حمد نعت غزل نظم قطعات ترانے مناجات بزم مزاح گیت

فہرست ردیف

منتخب کلام کی ردیف کے آخری حرف کی ترتیب پر فہرست

صحنِ کعبہ نہ سہی کوۓ صنم خانہ سہی

غزل| جگرؔ مراد آبادی انتخاب| بزم سخن

صحنِ کعبہ نہ سہی کوۓ صنم خانہ سہی

خاک اڑانی ہے تو پھر کوئی بھی ویرانہ سہی

زندگی تلخ حقیقت کے سوا کچھ بھی نہیں

اس میں کچھ چاشنیٔ مشربِ رندانہ سہی

آپ سے جس کو ہو نسبت وہ جنوں کیا کم ہے

دونوں عالم نہ سہی اک دلِ دیوانہ سہی

اپنی شوریدہ مزاجی کو کہاں لے جاؤں

تیرا ایما نہ سہی تیرا اشارہ نہ سہی

زندگی فرشِ قدم بن کے بچھی جاتی ہے

اے جنوں اور بھی اک لغزشِ مستانہ سہی

یہ ہواہیں یہ گھٹاہیں یہ فضاہیں یہ بہار

محتسب آج تو شغلِ مے و پیمانہ سہی

حسن خود پردہ کشاۓ رخِ مقصود ہے تو

عشق کو حوصلۂ عرضِ تمنا نہ سہی

کون ایسا ہے یہاں عشق ہے جس کا بے لاگ

آپ کی جان سے دور آپ کا دیوانہ سہی

زندگی آج بھی دلکش ہے انہیں کے دم سے

حسن اک خواب سہی عشق اک فسانہ سہی

تشنہ لب ہاتھ پہ کیوں ہاتھ دھرے بیٹھے ہیں

کچھ نہیں ہے تو شکستِ خم و خم خانہ سہی

میں نہ زاہد سے ہوں شرمندہ نہ صوفی سے جگرؔ

مسلکِ عشق مرا مسلکِ رندانہ سہی

پچھلا کلام | اگلا کلام

شاعر کا مزید کلام

دل میں کسی کے راہ کئے جا رہا ہوں میں

محبت کار فرمائے دو عالم ہوتی جاتی ہے

اگر نہ زہرہ جبینوں کے درمیاں گزرے

اک مئے بے نام جو اس دل کے پیمانے میں ہے

یہ ہے میکدہ یہاں رند ہیں یہاں سب کا ساقی امام ہے