حمد نعت غزل نظم قطعات ترانے مناجات بزم مزاح گیت

فہرست ردیف

منتخب کلام کی ردیف کے آخری حرف کی ترتیب پر فہرست

چلتے چلتے ہیں پڑے پاؤں میں چھالے کتنے

غزل| عبد العلیم شاہینؔ انتخاب| بزم سخن

چلتے چلتے ہیں پڑے پاؤں میں چھالے کتنے

زندگی پھر بھی ہیں ہم خود کو سنبھالے کتنے

جان کر بھی کہ نہیں کوئی حقیقت اس کی

خود کو کرتے رہے دنیا کے حوالے کتنے

لوگ ایسے بھی ہیں پوشاک ہے اُجلی جن کی

ہیں حقیقت میں مگر دل کے وہ کالے کتنے

جگمگاتی ہوئی ہر شئے پہ لپکتے کیوں ہو

تیرگی لے کے ہیں پہلو میں اجالے کتنے

نعمتیں کتنی میسر ہیں بشر کو پھر بھی

اشک آنکھوں میں تو ہونٹوں پہ ہیں نالے کتنے

معرکہ زیست کا اس قدر نہیں ہے آساں

سر نِگوں ہوگئے اس رَن میں جیالے کتنے

چند پیسوں کے عوض تھوڑے سے منصب کے لئے

ہم میں ہیں اپنی وفا بیچنے والے کتنے

اپنی آنکھوں نے بھی کیا کیا نہ کرشمے دیکھے

کھیل قدرت کے ہیں شاہینؔ نرالے کتنے

پچھلا کلام | اگلا کلام

شاعر کا مزید کلام

روز و شب اچھے لگے اب زندگی اچھی لگی

خواب اس کا خیال اس کا ہے

کبھی خزاں کبھی فصلِ بہار دیتا ہے

خوشی چاہتا ہوں نہ غم چاہتا ہوں

مذاقِ رہ روی ہے اپنے اپنے دل سے وابستہ