ربطِ جان و دل بھی ہے رنجشیں بھی ہوتی ہیں

دھوپ بھی نکلتی ہے بارشیں بھی ہوتی ہیں

ہلکی ہلکی بوندوں میں کچھ بدن تو بھیگے گا

موسموں کی صحبت میں لغزشیں بھی ہوتی ہیں

خواب نیند آنکھوں میں اک عجیب ان بن ہے

اس میں لیلۓ شب کی سازشیں بھی ہوتی ہیں

اس کی دید کا موسم شاخِ دل ہری رکھے

وہ نظر نہ آئے تو پرسشیں بھی ہوتی ہیں

سیلِ بے پناہ جیسے سب بہا کے لے جائے

تن بدن میں کچھ ایسی شورشیں بھی ہوتی ہیں

خواب کی زمینوں پر گھر بنا کے رہتے ہیں

جانتے ہیں پیروں میں گردشیں بھی ہوتی ہیں