چاہت میں کیا دنیا داری عشق میں کیسی مجبوری

لوگوں کا کیا ، سمجهانے دو ، ان کی اپنی مجبوری

میں نے دل کی بات رکهی اور تو نے دنیا والوں کی

میری عرض بهی مجبوری تھی ، ان کا حکم بهی مجبوری

روک سکو تو پہلی بارش کی بوندوں کو تم روکو!

کچی مٹی تو مہکے گی ، ہے مٹی کی مجبوری

جب تک ہنستا گاتا موسم اپنا ہے ، سب اپنے ہیں

وقت پڑے تو یاد آ جاتی ہے مصنوعی مجبوری

مدت گزری اک وعدے پر آج بهی قائم ہیں محسنؔ

ہم نے ساری عمر نبھائی اپنی پہلی مجبوری