مسلماں ہم ہیں گلہائے گلستانِ محمدؐ ہیں

خدا کے نام لیوا ہیں غلامانِ محمدؐ ہیں

زہے قسمت دل و جاں سے فدایانِ محمدؐ ہیں

زبانِ گل فشاں سے ہم ثنا خوانِ محمدؐ ہیں

کیا کرتے ہیں روشن ہرنفس ظلمت کدے دل کے

لیے ہاتھوں میں اپنے شمعِ عرفانِ محمدؐ ہیں

نہیں احسان ہم پر اس جہاں کے رہنے والوں کا

خوشا قسمت کہ ہم ممنونِ احسانِ محمدؐ ہیں

بچائے کا ہمیں اللہ کفر و شرک و بدعت سے

کہ ہم دربان خوش کردار ایوانِ محمدؐ ہیں