مصطفی زیدیؔ

جدید اردو شاعری کے ایک اہم شاعر جناب مصطفیٰ زیدی کا اصل نام سید مصطفٰی حسین زیدی اور تخلص زیدیؔ تھا ، پہلے پہل تیغؔ الہ آبادی کے نام سے لکھتے تھے۔

آپ 10/ اکتوبر 1930ء  کو الہ آباد میں پیدا ہوئے تھے،  بہت ذہین تھے ، اوائل طالب علمی ہی سے شاعری کا آغاز کیا ، الہ آباد یونیورسٹی سے بی اے مکمل کیا ، 19/ سال کی عمر میں ان کا پہلا شعری مجموعہ شائع ہوا ، قیام پاکستان کے بعد پاکستان کے شہر کراچی ہجرت کر گئے ، آپ نے لاہور سے ایم اے اور سول سروس کے امتحانات میں کامیابی حاصل کی ، پیشۂ تدریس سے وابستہ رہے اور اس کے بعد سول سروس سے منسلک ہوئے اور 12/ اکتوبر 1970ء کو  کراچی کے ایک پوش علاقے میں اپنے دوست کے بنگلے پر مردہ پائے گئے۔

چالیس سال کی زندگی میں ان کے چھ مجموعہ کلام "زنجیریں" (روشنی) ، "گریبان" ، "شہرِ آذر" ، "قبائے ساز" ، "موج میری صدف صدف" اور "کوہ ندا" کے نام سے اشاعت پذیر ہوئے اور بعد از مرگ ان کی کلیات "کلیاتِ مصطفی زیدی" کے نام سے شائع ہوئی۔

---

مصطفی زیدیؔ کا منتخب کلام

• چلے تو کٹ ہی جائے گا سفر آہستہ آہستہ
• کسی اور غم میں اتنی خلش نہاں نہیں ہے