حمدنعتغزلنظمقطعاتترانےمناجاتبزم مزاحگیت
فہرست ردیف
منتخب کلام کی ردیف کے آخری حرف کی ترتیب پر فہرست

دردِ دل شکر ہے مستقل ہوگیا

غزل| مولانا محمد احمدؔ پرتابگڑھی انتخاب| بزم سخن

دردِ دل شکر ہے مستقل ہوگیا
اب تو شاید مرا دل بھی دل ہوگیا
لذتِ زیست ہی خاک میں مل گئی
عشق جب سے مرا مضمحل ہوگیا
ان کی نظروں کی برکت ذرا دیکھئے
سوزِ دل ہی مرا سازِ دل ہوگیا
وہ تڑپ ہائے اب دل میں پاتا نہیں
ہے غضب زخمِ دل مندمل ہوگیا
چھیڑاہل محبت کی معراج ہے
بے خبر ہائے تو مشتعل ہوگیا
اب نہ افراط باقی نہ تفریط ہے
عشق کامل ہوا متعدل ہوگیا
پہلے احمدّ مجھے دردِ الفت ملا
رفتہ رفتہ وہی دردِ دل ہوگیا

پچھلا کلام | اگلا کلام

شاعر کا مزید کلام