حمدنعتغزلنظمقطعاتترانےمناجاتبزم مزاحگیت
فہرست ردیف
منتخب کلام کی ردیف کے آخری حرف کی ترتیب پر فہرست

دل وہ کافر کہ صدا عیش کا ساماں مانگے

غزل| غلام ربانی تاباؔں انتخاب| بزم سخن

دل وہ کافر کہ صدا عیش کا ساماں مانگے
زخم پا جائے تو کم بخت نم کداں مانگے
لطف آئے جو کوئی سوختہ سامانِ بہار
خالقِ رنگ سے پھر شعلۂ عریاں مانگے
حسرتِ دید سرِ بامِ تماشہ چاہے
عشقِ بیتاب سرِ طور چراغاں مانگے
رات زلفوں سے کرے شوخ اندھیروں کا سوال
روشنی لوحِ جبیں سے مہ تاباں مانگے
اک چراغ اور سر‌‌ِ رہ گزر باد سہی
چار تنکوں کے لئے کون گلستاں مانگے
کم نگاہی کا تقاضہ ہے کہ پھر جرأتِ شوق
خود تری شوخیٔ انداز سے عنواں مانگے

دستِ وحشت کے کوئی حوصلے دیکھے تاباںؔ
جب بھی مانگے تو اسی شوخ کا داماں مانگے

پچھلا کلام | اگلا کلام

شاعر کا مزید کلام