حمدنعتغزلنظمقطعاتترانےمناجاتبزم مزاحگیت
فہرست ردیف
منتخب کلام کی ردیف کے آخری حرف کی ترتیب پر فہرست

زندگی خاک نہ تھی خاک اڑا کے گزری

غزل| نصیرؔ ترابی انتخاب| بزم سخن

زندگی خاک نہ تھی خاک اڑا کے گزری
تجھ سے کیا کہتے تیرے پاس جو آتے گزری
دن جو گزرا تو کسی یاد کی رَو میں گزرا
شام آئی تو کوئی خواب دکھا تے گزری
اچھے وقتوں کی تمنا میں رہی عمرِ رواں
وقت ایسا تھا کہ بس ناز اُٹھاتے گزری
زندگی جس کے مقدر میں ہو خوشیاں تیری
اُس کو آتا ہے نبھانا سو نبھاتے گزری
زندگی نام اُدھر ہے کسی سرشاری کا
اور اِدھر دور سے اک آس لگاتے گزری
رات کیا آئی کہ تنہائی کی سرگوشی میں
ہُو کا عالم تھا مگر سنتے سناتے گزری
بار ہا چونک سی جاتی ہے مسافت دل کی
کس کی آواز تھی یہ کس کو بلاتے گزری

پچھلا کلام | اگلا کلام

شاعر کا مزید کلام