بسا ہے آنکھوں میں صحرا یہ حال تو دیکھو

ہمیں نہ دیکھو جنوں کا کمال تو دیکھو

ہوائیں پیڑوں سے کیا کہہ رہی ہیں یہ تو سنو

ہر ایک شاخ پہ گردِ ملال تو دیکھو

یہ زرد ریت اکیلے درخت جلتی دھوپ

لبوں پہ ان کے ہیں کیا کیا سوال تو دیکھو

ہر ایک سمت مگر چیختے ہیں سناٹے

خموش لمحوں کا تم یہ کمال تو دیکھو

ترقیوں کے سبھی رنگ خوب ہیں لیکن

دکھوں کے پہلے ہوئے تم یہ جال تو دیکھو

یہ بیٹھے بیٹھے ہمیں ہو گیا ہے کیا آخر

نہ پوچھو بات ہمارا یہ حال تو دیکھو