حمدنعتغزلنظمقطعاتترانےمناجاتبزم مزاحگیت
فہرست ردیف
منتخب کلام کی ردیف کے آخری حرف کی ترتیب پر فہرست

الطاف و کرم غیظ و غضب کچھ بھی نہیں ہے

غزل| محبوب راہیؔ انتخاب| بزم سخن

الطاف و کرم غیظ و غضب کچھ بھی نہیں ہے
تھا پہلے بہت کچھ مگر اب کچھ بھی نہیں ہے
برسات ہو سورج سے سمندر سے اگے آگ
ممکن ہے ہر اک بات عجب کچھ بھی نہیں ہے
دل ہے کہ حویلی کوئی سنسان سی جس میں
خواہش ہے نہ حسرت نہ طلب کچھ بھی نہیں ہے
اب زیست بھی اک لمحۂ ساکت ہے کہ جس میں
ہنگامۂ دن گرمیٔ شب کچھ بھی نہیں ہے

سب قوتِ بازو کے کرشمات ہیں راہیؔ
کیا چیز ہے یہ نام و نسب کچھ بھی نہیں ہے

پچھلا کلام | اگلا کلام

شاعر کا مزید کلام