حمد نعت غزل نظم قطعات ترانے مناجات بزم مزاح گیت

فہرست ردیف

منتخب کلام کی ردیف کے آخری حرف کی ترتیب پر فہرست

وہی قصّے ہیں وہی بات پرانی اپنی

غزل| محسؔن نقوی انتخاب| بزم سخن

وہی قصّے ہیں وہی بات پرانی اپنی

کون سنتا ہے بھلا رام کہانی اپنی

ہر ستم گر کو یہ ہمدرد سمجھ لیتی ہے

کتنی خوش فہم ہے کم بخت جوانی اپنی

روز ملتے ہیں دریچے میں نئے پھول مجھے

چھوڑ جاتا ہے کوئی روز نشانی اپنی

تجھ سے بچھڑے ہیں تو پایا ہے بیاباں کا سکوت

ورنہ دریاؤں سے ملتی تھی روانی اپنی

قحطِ پندار کا موسم ہے سنہرے لوگو

اور کچھ تیز کرو اب کے گرانی اپنی

دشمنوں سے ہی غمِ دل کا مداوا مانگیں

دوستوں نے تو کوئی بات نہ مانی اپنی

آج پھر چاند افق پر نہیں ابھرا محسنؔ

آج پھر رات نہ گزرے گی سہانی اپنی

پچھلا کلام | اگلا کلام

شاعر کا مزید کلام

میں خود زمیں ہوں مگر ظرف آسمان کا ہے

بھڑکائیں مری پیاس کو اکثر تری آنکھیں

قصے میری الفت کے جو مرقوم ہیں سارے

ذکرِ شبِ فراق سے وحشت اسے بھی تھی

اک دیا دل میں جلانا بھی ، بجھا بھی دینا