محسؔن نقوی

اردو کے ممتاز غزل گو شاعر جناب محسن نقوی کا اصل نام سید غلام عباس نقوی تھا اور وہ 05/ مئی 1947ء کو محلہ سادات ڈیرہ غازی خان پاکستان میں پیدا ہوئے، انہوں نے بہاؤ الدین زکریا یونیورسٹی ملتان پاکستان سے اردو میں ایم اے کیا یہی وہ زمانہ تھا کہ ان کی شاعری کا آغاز ہوا۔

محسن نقوی کا شمار اردو کے خوش گو شعرا میں ہوتا ہے، انہیں ان کی ادبی خدمات پر 1994ء میں حکومت پاکستان کی جانب سے صدارتی تمغہ برائے حسن کارکردگی عطا کیا گیا۔

15 جنوری 1996ء کو اردو کے اس ممتاز شاعر کا انتقال ہوا اور وہ ڈیرہ غازی خان میں آسودۂ خاک ہوئے۔

ان کے شعری مجموعوں میں "بند قبا" ، "ردائے خواب" ، "برگ صحرا" ، "موج ادراک" ، "ریزہ حرف" ، "عذاب دید" ، "طلوع اشک" ، "رخت شب" ، "فرات فکر" ، "خیمہ جاں" اور "میرا نوحہ انہی گلیوں کی ہوا لکھے گی" شامل ہے۔

تصویر / اردو ویب سائٹ

---

محسؔن نقوی کا منتخب کلام

• فراقِ یار کی بارش ملال کا موسم
• وہ دلاور جو سیہ شب کے شکاری نکلے
• اجڑے ہوئے لوگوں سے گریزاں نہ ہوا کر
• کل رات بزم میں جو ملا گل بدن سا تھا
• کڑے سفر میں اگر راستہ بدلنا تھا
• مانا کہ تیرے دل میں کوئی اور مکیں ہے
• بہار کیا اب خزاں بھی مجھ کو گلے لگائے تو کچھ نہ پائے
• چاہت کا رنگ تھا نہ وفا کی لکیر تھی
• بھڑکائیں مری پیاس کو اکثر تری آنکھیں
• درِ قفس سے پرے جب صبا گزرتی ہے
• یہ ہم نے دیکھا تھا خواب پیارے ندی کنارے
• اشک آنکھوں میں چھپاتے ہوئے تھک جاتا ہوں