عبد العلیم شاہینؔ

جناب عبد العلیم شاہین کا تعلق بھٹکل کے ایک ایسے گھرانے سے ہے جہاں پر ایک ساتھ تین افراد مشق سخن کرتے رہے ہیں ، ان کے برادر اکبر جناب کوثرؔ جعفری صاحب مرحوم بھی ایک نعت گو شاعر کے طور پر معروف تھے جب کہ آپ کے چھوٹے بھائی جناب صادق نوید بھی شاعری کرتے ہیں بلکہ ان تینوں بھائیوں کو یہ ادبی ذوق و شوق خاندانی طور پر وراثتاً ملا ہے ۔

آپ کی پیدائش 5/ جولائی 1946ء  کو ریاست کرناٹک کے شہر بھٹکل میں ہوئی ، آپ نے يس یس یل سی امتحان کے بعد جامعہ اردو علی گڑھ سے ’’ادیب ماہر‘‘ کا امتحان پاس کیا ، عمر عزیز کا زیادہ تر حصہ کاروبار کے سلسلے میں شہر بنگلور میں گزرا ، بچپن سے ہی شعر و ادب کی طرف طبیعت مائل رہی ، شعر و شاعری میں کس سے شرف تلمذ حاصل نہیں البتہ علیم بسمل حیدر آبادی کی سرپرستی میں ’’ادارہ ایوان ادب‘‘ کے ماہانہ مشاعروں میں پابندی سے شریک ہوتے رہے ، سچّی بات تو یہ ہے کہ شاہین صاحب شہرت و نام وری سے دور اور بہت دور صوفیانہ زندگی گزارنے کو پسند کرتے ہیں۔

---

عبد العلیم شاہینؔ کا منتخب کلام

• مخمور نگاہوں سے پلانے کے لئے آ
• شرارت پر وہ مائل ہوگئے ہیں
• روز و شب اچھے لگے اب زندگی اچھی لگی
• الم ہے اپنا مقدّر جہاں جہاں جائیں
• ملے جو بھی مجھ کو قبول ہے وہ گلاب ہو کہ ببول ہو
• ویراں ہے دل حسین نظاروں کے شہر میں
• جو دل میں رکھتا ہے میرے لئے عناد بہت
• افکار کی لذت کیا کہنا جذبات کا عالم کیا کہنا
• دوستی امن محبت کی زباں ہے اردو
• خواب اس کا خیال اس کا ہے
• زندگی زندگی پر خطر زندگی
• چلتے چلتے ہیں پڑے پاؤں میں چھالے کتنے