حمد نعت غزل نظم قطعات ترانے مناجات بزم مزاح گیت

فہرست ردیف

منتخب کلام کی ردیف کے آخری حرف کی ترتیب پر فہرست

اس کے نزدیک غمِ ترکِ وفا کچھ بھی نہیں

غزل| اختر شمارؔ انتخاب| بزم سخن

اس کے نزدیک غمِ ترکِ وفا کچھ بھی نہیں

مطمئن ایسا ہے وہ جیسے ہوا کچھ بھی نہیں

اب تو ہاتھوں سے لکیریں بھی مٹی جاتی ہیں

اس کو کھو کر تو مرے پاس رہا کچھ بھی نہیں

چار دن رہ گئے میلے میں مگر اب کے بھی

اس نے آنے کے لیے خط میں لکھا کچھ بھی نہیں

کل بچھڑنا ہے تو پھر عہدِ وفا سوچ کے باندھ

ابھی آغازِ محبت ہے گیا کچھ بھی نہیں

میں تو اس واسطے چپ ہوں کہ تماشا نہ بنے

تو سمجھتا ہے مجھے تجھ سے گلہ کچھ بھی نہیں

اے شمارؔ آنکھیں اسی طرح بچھائے رکھنا

جانے کس وقت وہ آ جائے پتا کچھ بھی نہیں

پچھلا کلام | اگلا کلام

شاعر کا مزید کلام

اس کے نزدیک غمِ ترکِ وفا کچھ بھی نہیں